Kipli awan kuwi wetenge ngelih, nanging duite lagek bokek. Nduwe ide brilian, golek mangan gratis nang jagongan nganten.
Kipli wes dandan mlitit nganggo batik, sepatu kinclong bar di semir mlaku dewekan nang gedong kang lagi ono acara resepsi nganten.
Pas lagi mlebu ono tulisane "tamu pengantin perempuan ke arah pintu kiri, tamu pengantin laki-laki ke arah pintu kanan". Kipli banjur menggok pintu kanan.
Bareng wes mlebu pintu kanan ono tulisan maneh "tamu yg membawa kado ke pintu kiri, tamu tidak membawa kado ke pintu kanan".
Kipli banjur mlaku nang pintu kanan.
Bar mlebu pintu kanan ono tulisan maneh "tamu yang membawa amplop ke pintu kiri, tamu yang tidak membawa amplop ke pintu kanan"
Kipli langsung mesem ngguyu karo mbatin "asseeeekkk jebule sing ga nggowo amplop wes dipikirke karo panitiane"...karo manthuk2, mak jenggirat mlayu nyandhak pintu kanan. Langsung mlangkah cepet.
"Waduhh...jebule kok wes nang ndalan gedhe?". Clingak-clinguk Kipli bingung nyawang sebelah kiri ono papan pengumuman tulisane "WONG AREP NJAGONG KOK MUNG MODAL BATIK TANPO NYUMBANG"
Subscribe to:
Post Comments (Atom)